មនុស្សស្រីឆ្លាតពូកែ ត្រូវតែចេះវិធីសាស្ត្រធ្វើឱ្យប្ដីស្ដាប់បង្គាប់ ទោះបីគេកំពុងតែក្បត់អ្នកក៏ដោយ
វាជារឿងដែលគួរឱ្យសោកស្ដាយណាស់ នៅពេលដែលជីវិតមនុស្សស្រីលំបាកស្រាប់ទៅហើយ តែបែរជាឱ្យមកជួបមនុស្សប្រុសក្បត់ចិត្តថែមមួយកម្រិតទៀត តែយ៉ាងណា ជីវិតប្ដីប្រពន្ធ មិនមែនចេះតែលែងបានងាយៗទេ ។ ដូច្នេះហើយ នៅពេលដែលអ្នករកឃើញថា ប្ដីកំពុងតែក្បត់ចិត្តអ្នក មនុស្សស្រីឆ្លាត ត្រូវតែចេះវិធីនេះ ដើម្បីគ្រប់គ្រងប្ដី និងធ្វើឱ៌្យប្ដីងាកមកស្ដាប់បង្គាប់ និងកែខ្លួនឡើងវិញ បញ្ចៀសការលែងលះកើតឡើង។
១. រកដើមហេតុនៃរឿងដែលបានកើតឡើង
មិនថាខឹងខ្លាំងប៉ុនណាទេ អ្នកគួរពិចារណារឿងនេះឱ្យច្បាស់លាស់ មុននឹងធ្វើអ្វីដោយមិនគិត។ ទីមួយ គឺត្រូវស្វែងយល់ថា តើទំនាក់ទំនងក្រៅអាពាហ៍ពិពាហ៍របស់ស្វាមី បានចាប់ផ្តើមនៅពេលណា តើវាមានរយៈពេលប៉ុន្មាន ហើយទំនាក់ទំនងបានរីកចម្រើនដល់កម្រិតណា។ អំពើផិតក្បត់ក៏មានច្រើនទម្រង់ រឿងស្នេហាដែលផ្ទុះឡើង គឺខុសគ្នាទាំងស្រុងពីរឿងស្នេហាច្រើនឆ្នាំ។
នៅពេលអ្នកដឹងពីដើមហេតុ និងចុងបញ្ចប់នៃបញ្ហានេះ អ្នកនឹងមានដំណោះស្រាយយ៉ាងម៉ត់ចត់។ ទោះបីជាវាឈឺចាប់ខ្លាំងក៏ដោយ ប៉ុន្តែអ្នកត្រូវតែដឹងការពិត ដើម្បីមានផែនការនាពេលអនាគត។
រឿងមួយដែលមនុស្សស្រីត្រូវចងចាំនោះគឺ កុំសួរថាអ្នកណាស្អាតជាងរវាងអ្នក និងគូស្នេហ៍ថ្មីរបស់គេ។ ព្រោះពេលឮចម្លើយ អ្នកច្បាស់ជាកាន់តែខូចចិត្តជាមិនខាន។
២. សួរប្តីរបស់អ្នកពីមូលហេតុ
ប្រាកដណាស់ ស្វាមីនឹងមិនប្រាប់ហេតុផលដល់ស្ត្រីឡើយ។ ទោះបីជានេះមិនមែនជាសំណួរងាយស្រួលឆ្លើយក៏ដោយ ក៏ស្វាមីរបស់អ្នកត្រូវតែស្មោះត្រង់ជាមួយអ្នកដែរ។ ចម្លើយនេះក៏នឹងជួយអ្នកក្នុងការសម្រេចចិត្ត ថាតើអ្វីៗកាន់តែងាយស្រួល ឬពិបាកជាងនៅពេលក្រោយ។ ប្រសិនបើស្វាមីរបស់អ្នកឆ្លើយដោយស្មោះត្រង់ អ្នកនឹងមានការសម្រេចចិត្តរហ័ស។
ក្នុងករណីដែលស្វាមីរបស់អ្នកបដិសេធ ឬលាក់បាំង វាកាន់តែពិបាកសម្រាប់អ្នកក្នុងការដោះស្រាយវា។ ស្ត្រីគ្រាន់តែត្រូវចងចាំថា រឿងសំខាន់ក្នុងការសន្ទនានេះ គឺវាត្រូវការពេលវេលា។ ដោយសារតែខ្វះការផ្ចង់អារម្មណ៍ និងការប្រតាយប្រតប់គ្នា វានឹងងាយស្រួលសម្រាប់ពួកគេទាំងពីរក្នុងការបាត់បង់សណ្ដាប់ធ្នាប់។
៣. នៅពេលមានការសម្រេចចិត្ត
អ្វីៗក្នុងលោកនេះត្រូវតែស្តាប់ អ្វីដែលអ្នកត្រូវដឹង អ្នកបានយល់តាមរយៈការសន្ទនាជាមួយស្វាមី។ នៅពេលនេះរឿងប្តីប្រពន្ធចែកជា២ប្រភេទគឺ ៖
- ដើម្បីជំនួស
ពេលបុរសនោះលែងចង់រស់នៅជាមួយអ្នក ប៉ុន្តែមិនដឹងថាត្រូវបញ្ចប់ដោយរបៀបណា។ ដូច្នេះ គាត់ជ្រើសរើសយកអ្នកទាំងពីរមកប្រៀបធៀបគ្នា ប៉ុន្តែចង់រកទំនាក់ទំនងផ្សេងទៀត។ ប្រសិនបើអ្នកតាមទាន់ គាត់នឹងមិនសុំទោស ហើយក៏មិនកែប្រែដែរ។ មនុស្សប្រុសនឹងនៅស្ងៀម ដែលនេះជាចម្លើយរបស់ពួកគេហើយ។ ក្នុងករណីនេះ បញ្ជាក់ថា មនុស្សប្រុសពិតជាចង់បញ្ចប់ជាមួយអ្នកពិតមែន។
- ដើម្បីតែអារម្មណ៍សប្បាយមួយពេល
នៅពេលដែលបុរសម្នាក់ធុញទ្រាន់នឹងអាពាហ៍ពិពាហ៍របស់គាត់ គាត់ចង់ស្វែងរកភាពរំភើបរីករាយថ្មីជាមួយនឹងស្ត្រីផ្សេងទៀត។ អំពើផិតក្បត់ប្រភេទនេះ ពេលចូលខ្លួន វាពិបាកនឹងលែងឱ្យរួចខ្លួនណាស់។ ទោះជាយ៉ាងណាក៏ដោយ ក្នុងរយៈពេលវែងវាមិនចាំបាច់សប្បាយចិត្ត និងសន្តិភាពទេ ហើយបន្ទាប់មកប្តីរបស់អ្នករត់តាមចំណង់ចំណូលចិត្តផ្សេងទៀត ដូច្នេះករណីនេះអាចងាយស្រួលដោះស្រាយបំផុត។
៤. ជម្រើសរបស់ស្ត្រី
បន្ទាប់ពីបុរសបានធ្វើខុស ជម្រើស និងការសម្រេចចិត្តទាំងអស់ជារបស់អ្នក។ ប្រសិនបើអ្នកជ្រើសរើសអភ័យទោស សូមសួរខ្លួនឯងនូវប៉ុន្មានចំណុចខាងក្រោមនេះ ៖
- តើអ្នកប្រាកដថាប្តីរបស់អ្នកនឹងមិនធ្វើទង្វើបែបនេះម្តងទៀតទេ?
- តើអ្នក និងស្វាមីរបស់អ្នកដឹងថា អាពាហ៍ពិពាហ៍របស់អ្នកខុសត្រង់ណា ឬខ្វះអ្វីត្រូវជួសជុលទេ?
-តើអ្នក និងស្វាមីរបស់អ្នក មានវិធីដោះស្រាយបញ្ហាដែលអ្នកមានជាមួយគ្នាទេ?
៥. ប្រសិនបើអ្នកនៅតែខឹង និងខូចចិត្តខ្លាំងពេក កុំល្ងង់ធ្វើការសម្រេចចិត្តឥឡូវនេះ។ ប្រសិនបើអ្នកប្រាកដថាអ្នកចង់បោះបង់ ចូរឆ្លើយសំណួរនេះ ៖
- តើអាពាហ៍ពិពាហ៍នេះអស់សង្ឃឹម និងមិនអាចកែប្រែបានទេ?
- តើការសម្រេចចិត្តនេះធ្វើឱ្យអ្នកសោកស្តាយទេ? តើអ្នកប្រាកដ និងច្បាស់លាស់ហើយមែនទេ?
ពេលស្ត្រីរៀបការ ជួបស្នេហាបោកប្រាស់ត្រូវចាំថា ការបញ្ចប់ ឬការលែងលះមិនគួរជាការគេចចេញឡើយ។ មិនថាអ្នកធ្វើការសម្រេចចិត្តបែបណាក៏ដោយ អ្នកត្រូវតែព្យាយាមរកវិធីដើម្បីយកឈ្នះលើការឈឺចាប់របស់អ្នក។ អ្វីដែលសំខាន់ គឺមិនពិបាកបញ្ចប់ ឬចាប់ផ្តើមឡើងវិញនោះទេ ប៉ុន្តែថាតើអ្នកសោកស្ដាយចំពោះការសម្រេចចិត្តដែលអ្នកបានធ្វើឬអត់។ អ្នកមានកូនហើយមានគ្រួសារ ដូច្នេះរាល់ការសម្រេចចិត្តគួរពិចារណាដើម្បីកុំឱ្យមានការសោកស្ដាយពេលក្រោយឱ្យសោះ៕
ប្រភព ៖ Phunutoday / Knongsrok
Recent News
