ភាពទាក់ទាញបំផុតរបស់ស្ត្រីវ័យ ៣០ ឆ្នាំឡើង មិនមែនលើសម្រស់ តែស្ថិតលើរសជាតិទាំង ៥ យ៉ាងនេះ
ស្ត្រីដែលឈានចូលដល់វ័យ ៣០ ឆ្នាំឡើងទៅ គេលែងសម្លឹងមើលសម្រស់ទៀតហើយ ហើយរូបរាងសម្រស់ខាងក្រៅ ក៏មិនមានប្រសិទ្ធភាពដែរ តែសម្រាប់ស្ត្រីវ័យនេះ ភាពស្រស់ស្អាត និងទាក់ទាញបំផុតរបស់នាង គឺស្ថិតលើ ៥ ចំណុចនេះ។
១. ភាពស្រស់ស្អាត និងភាពទាក់ទាញ
សម្រាប់មនុស្សស្រី ភាពស្រស់ស្អាត និងភាពទាក់ទាញត្រូវនៅដាច់ដោយឡែកពីគ្នា។ តែយ៉ាងណា តើធ្វើម៉េចឱ្យមនុស្សស្រីកាន់តែស្អាត សម្រស់ពីខាងក្នុងទៅខាងក្រៅមិនឈប់?
សម្រាប់ស្ត្រីទាំងនេះ មានពាក្យមួយ ដែលបង្ហាញពីអារម្មណ៍ខាងក្នុងបំផុតរបស់មនុស្ស។ សម្រស់ខាងក្រៅអាចធ្លាក់ចុះបន្តិចម្តងៗក្នុងរយៈពេលជាច្រើនឆ្នាំទៅមុខ ប៉ុន្តែផ្ទុយទៅវិញ ភាពទាក់ទាញនៃព្រលឹងកំពុងតែកើនឡើងឥតឈប់ឈរ។ ការបណ្តុះព្រលឹងដ៏សម្បូរបែប សេចក្តីស្រឡាញ់នៃជីវិតដែលកើតចេញពីខាងក្នុង គឺជាការទាក់ទាញរបស់មនុស្សស្រី។
២. ការចិញ្ចឹមបីបាច់បុគ្គលិកលក្ខណៈ
បុគ្គលិកលក្ខណៈនៅទីនេះរួមមានការយល់ដឹង ការអត់ឱន និងសេចក្តីស្រឡាញ់។ ពេលមនុស្សស្រីចេះយល់ចិត្ត គេក៏នឹងព្យាបាលខ្លួនឯងបានកាន់តែប្រសើរ។ បុគ្គលិកលក្ខណៈរបស់ស្ត្រី គឺជាការធានានៃអនាគតរបស់នាងផ្ទាល់ ក៏ជាលិខិតឆ្លងដែនដ៏ល្អបំផុតផងដែ។
៣. ចំណេះដឹង
ស្ត្រីដែលមានចំណេះដឹងសម្បូរបែប គឺតែងតែជាមនុស្សដែលមានការទាក់ទាញពិសេស។ មិនត្រឹមតែប៉ុណ្ណោះ វាថែមទាំងជួយឱ្យស្ត្រីកាន់តែមានទំនុកចិត្ត។ ចំណេះដឹងរបស់មនុស្ស គឺធំធេងដូចសមុទ្រ ដែលជាធម្មតាបុគ្គលិកលក្ខណៈរបស់ស្ត្រី គឺភាគច្រើនទាក់ទងនឹងចំណេះដឹងផ្ទាល់ខ្លួនរបស់នាង។ ក្នុងនាមជាស្ត្រីឈានចូលវ័យកណ្តាល អ្នកមិនត្រឹមតែត្រូវការកែលម្អបុគ្គលិកលក្ខណៈរបស់អ្នកប៉ុណ្ណោះទេ ប៉ុន្តែថែមទាំងពង្រឹងចំណេះដឹងរបស់អ្នកផងដែរ។ នៅពេលដែលស្ត្រីសម្បូរទៅដោយចំណេះដឹង ពួកគេនឹងចេះដោះស្រាយគ្រប់យ៉ាង ដើម្បីសន្តិភាព និងសុខដុមរមនា។
៤. ប្រាស្រ័យទាក់ទងល្អ
មិនត្រឹមតែស្ត្រីប៉ុណ្ណោះទេ ប៉ុន្តែអ្នកណាដែលចូលដល់វ័យកណ្តាលក៏ត្រូវយកចិត្តទុកដាក់ជាពិសេសចំពោះទំនាក់ទំនងសង្គមរបស់ខ្លួន។ ទាក់ទងនឹងការរាប់អានមិត្តកុំប្រកាន់ មិត្តមានតិច ប៉ុន្តែគុណភាព ការបង្កើតមិត្តក៏ត្រូវមានគោលការណ៍របស់ខ្លួនដែរ។ បុរាណតែងតែបង្រៀន អ្វីៗត្រូវបានដាក់ជាក្រុមតាមប្រភេទ មនុស្សត្រូវបានដាក់ជាក្រុម ហើយមិត្តភក្តិក៏ជាមុខតំណាងរបស់យើងផងដែរ។
៥. ចិត្តសប្បុរស
នៅពេលដែលស្ត្រីឈានចូលវ័យកណ្តាល វាក៏ជាពេលឈានចូលដល់វ័យឪពុកម្តាយ ចូលសង្គមបន្តិចម្តងៗ ទៅសាលារៀន និងធ្វើការ។ ពេលនោះការធ្វើជាម្ដាយច្បាស់ជាត្រូវយល់ថាការអត់ឱន គឺជាការចាំបាច់បំផុត។ ការអត់ធ្មត់របស់ស្ត្រីកាន់តែច្រើន ផ្លូវនៃជីវិតកាន់តែទូលំទូលាយ។ អធ្យាស្រ័យក៏ជាសម្រស់ប្រពៃណីរបស់ប្រទេសជាតិ ដែលជាគុណធម៌ដ៏លើសលប់ទាំងអស់របស់ស្ត្រី៕
ប្រភព ៖ បរទេស / Knongsrok
Recent News
