ហេតុផលទាំង ៦ នេះហើយ ដែលធ្វើឱ្យមនុស្សប្រុសមួយចំនួន លង់ស្រឡាញ់ស្ត្រីមេម៉ាយ
តើអ្នកគិតថាការស្រលាញ់នារីដែលលែងលះ ឬមានឈ្មោះថាជាស្ត្រីមេម៉ាយ គឺជារឿងមិនល្អពិតមែនទេ? មានមនុស្សខ្លះ ពិតជាប្រកាន់ណាស់នូវឈ្មោះមួយនេះ។ ប៉ុន្តែជាក់ស្ដែង បច្ចុប្បន្ន បែរជាមានមនុស្សមួយចំនួន ហាក់លែងសូវខ្វល់ដល់ពាក្យទាំងនេះ ហើយរឹតតែលង់ស្នេហ៍ជាមួយនឹងមនុស្សស្រីមេម៉ាយទៅវិញ។
១. នាងដឹងពីរបៀបថែរក្សាទំនាក់ទំនង
ស្ត្រីដែលបានលែងលះ ពួកគេដឹងពីរបៀបឱ្យតម្លៃគ្រួសារ។ ព្រោះថាបន្ទាប់ពីបែកបាក់ មិនថាមានកំហុសអ្វីទេ ស្ត្រីក៏ផ្តល់កំណើតដល់ចិត្តគំនិតក្នុងការរក្សាសុភមង្គលគ្រួសារឱ្យបានប្រសើរ ជាងអ្នកដែលមិនដែលរៀបការ។ តាមរយៈការបាត់បង់ដំបូង ពួកគេនឹងដឹងពីសុភមង្គល និងដឹងពីរបៀបសាងសង់វាសាជាថ្មី។
២. នាងអាចគ្រប់គ្រងតម្រូវការ
នៅពេលដែលស្ត្រីបានឆ្លងកាត់ការធ្លាក់ចុះ ឬបែកបាក់រួចម្ដងនៅក្នុងអាពាហ៍ពិពាហ៍ដែលបរាជ័យ ពួកគេមានទំនោរយល់ និងទទួលយកជីវិតកាន់តែងាយស្រួល។ ជំនួសឱ្យការស្នើសុំសំណើរគ្មានន័យ ឬគ្មានបរ្យោជន៍ ពួកគេនឹងពេញចិត្តនឹងការពិត ហើយរស់នៅបានល្អបំផុតសម្រាប់គ្រួសារថ្មីរបស់ពួកគេ។
៣. នាងដឹងពីអ្វីដែលអាចរំខានដល់អាពាហ៍ពិពាហ៍
ក្នុងនាមជាមនុស្សដែលធ្លាប់ឆ្លងកាត់ជីវិតបែកបាក់ ស្ត្រីតែងតែយល់ច្បាស់ពីមូលហេតុដែលអាចរំខានដល់អាពាហ៍ពិពាហ៍ និងរបៀបនៃការរស់នៅក្នុងជីវិតគូឱ្យកាន់តែបានល្អប្រសើរ។ ដូច្នេះគ្រាន់តែមានសញ្ញាគ្រោះថ្នាក់ពួកគេនឹងយកចិត្តទុកដាក់ និងធ្វើឱ្យប្រសើរឡើងភ្លាមៗ។
៤. ពួកគេនិយាយត្រង់ទៅត្រង់មក មិនចេះចំណាយពេលយូរផ្ដេសផ្ដាស
មនុស្សពេញវ័យមួយចំនួន ចូលចិត្តលេងសើចក្នុងរឿងស្នេហា ដោយមានការទាក់ទងពីមួយទៅមួយ ដោយមិនខ្វល់ច្រើនទេ។ ប៉ុន្តែចំពោះស្ត្រីដែលបែកបាក់ម្តងហើយ ពួកគេមានភាពចាស់ទុំ និងមានភាពនឹងធឹង មិនចេះលេងសើចឡើយ ពួកគេនឹងមានភាពវិជ្ជមានឆ្លើយតបនឹងអ្នកដោយមិនធ្វើឱ្យអ្នកធុញទ្រាន់ក្នុងការគិត។
៥. នាងកាន់តែប្រុងប្រយ័ត្នមុនពេលបង្កបញ្ហា
ដោយសារតែនាងមានហេតុផល និងបទពិសោធន៍ក្នុងអាពាហ៍ពិពាហ៍ពេលមុន នាងមានប្រាជ្ញា និងភាពក្លាហានគ្រប់គ្រាន់ដើម្បីគ្រប់គ្រងស្ថានការណ៍។ ពួកគេនឹងបណ្តាលឱ្យមានបញ្ហាតិចផ្ទុយទៅវិញ ជ្រើសរើសការយល់ដឹង និងបោះបង់ចោលនូវអ្វីដែលមិនចាំបាច់។
៦. ជីវិតរបស់គូស្នេហ៍មានភាពស្និទ្ធស្នាល
បញ្ហាដ៏ស្មុគស្មាញមួយ គឺថាបុរសរៀបការជាមួយក្មេងស្រីដែលលែងលះគ្នា ច្រើននឹងធ្វើឱ្យស្ត្រីមានអារម្មណ៍ស្រឡាំងកាំង និងទទួលបានការរួមដំណេកកាន់តែច្រើន។ ពួកគេមិនខ្មាសអៀនក្នុងការចែករំលែកតម្រូវការ និងការចង់បានរបស់ពួកគេឡើយ៕
ប្រភព ៖ Phunutoday / ប្រែសម្រួល ៖ Knongsrok
Recent News
