បើខាងបុរសបង្ហាញ ៥ សញ្ញានេះមកកាន់អ្នក មានន័យថាអ្នកជាចំណែកសំខាន់ក្នុងជីវិតរបស់គាត់ហើយ
ប្រសិនបើគាត់បង្ហាញសញ្ញាទាំងនេះ នោះមានន័យថាគាត់នឹងចាត់ទុកអ្នកជាអនាគតភរិយាគាត់ ហើយនឹងជ្រើសរើសយកអ្នកតែម្នាក់គត់ធ្វើជាកូនក្រមុំ ក៏ជាម្ដាយកូនរបស់គាត់ផងដែរ។
១. តែងតែចង់នៅជាមួយអ្នកជានិច្ច
តែងតែចង់នៅក្បែរអ្នកជានិច្ច ហើយពេលដែលឃ្លាតឆ្ងាយ តែងតែបឹកដល់អ្នក ជាពិសេសនឹកពេលវេលាដ៏រីករាយ តែងផ្ញើសារសួរសំណួរយកចិត្តទុកដាក់ ដែលបង្ហាញថាគាត់ស្រឡាញ់អ្នកខ្លាំងណាស់។ ប្រសិនបើអ្នកមិនស្រឡាញ់ដោយស្មោះត្រង់ គ្មាននរណាម្នាក់ល្ងីល្ងើក្នុងការចំណាយពេលច្រើនពេកក្នុងទំនាក់ទំនងនេះទេ។ ស្នេហាពិតអាចដឹងតែពីបេះដូងប៉ុណ្ណោះ។
២. គិតគូរពីអនាគត
ការសន្យាពេលខ្លះមិនសំខាន់ទេ ប៉ុន្តែការសន្យាគឺជាមូលដ្ឋានសម្រាប់អះអាងថាគាត់ពិតជាស្រឡាញ់អ្នកឬអត់? ដូច្នេះប្រសិនបើបុរសម្នាក់និយាយអំពីរឿងរៀបការ នឹងធ្វើឱ្យអ្នកមានអារម្មណ៍សុវត្ថិភាពអំពីអនាគតរបស់អ្នក។ ប៉ុន្តែក៏ត្រូវប្រយ័ត្នប្រយែងផងដែរ ដើម្បីមើលថា តើវាជាពាក្យដែលនិយាយដោយឥតលាក់លៀម ឬគ្រាន់តែជាពាក្យល្បួង ឬសន្យាឱ្យរួចពីមាត់។
៣. ចែករំលែករឿងឯកជនរបស់គាត់ជាមួយអ្នក
នៅពេលដែលទៅណាមកណា ឬពេលត្រឡប់ដល់ផ្ទះវិញ គាត់តែងតែនិយាយប្រាប់អ្នកអំពីរឿងរ៉ាវដែលពាក់ព័ន្ធនឹងគាត់នៅក្នុងថ្ងៃនេះ គាត់និយាយប្រាប់អ្នកគ្រប់រឿង ដោយមិនមានការលាក់លៀម បិតបាំងអ្វីនឹងអ្នកឡើយ ចំណុចនេះហើយ ដែលធ្វើឱ្យអ្នកអាចជឿជាក់បាន និងមានអារម្មណ៍រឹតតែកក់ក្ដៅ ជាមួយនឹងភាពស្មោះត្រង់ដែលគាត់មានចំពោះអ្នក ហើយក៏បង្ហាញ និងបញ្ជាក់បានផងដែរថា អ្នកជាចំណែកមួយដ៏សំខាន់ក្នុងជីវិតគាត់ ជាផ្នែកមួយដែលគាត់ចង់ឱ្យអ្នកដឹងគ្រប់យ៉ាងអំពីគាត់។
៤. ថែរក្សាមនុស្សជាទីស្រឡាញ់របស់អ្នក
មនុស្សម្នាក់ដែលយកចិត្តទុកដាក់ចំពោះអ្នក គឺមិនគ្រប់គ្រាន់ទេ ប៉ុន្តែពួកគេក៏យកចិត្តទុកដាក់ចំពោះមនុស្សជាទីស្រឡាញ់របស់អ្នក អ្នកដែលនៅជុំវិញអ្នក ព្រួយបារម្ភអំពីពួកគេនោះគឺជាស្វាមីល្អនាពេលអនាគត។ នេះបង្ហាញថាគាត់បានជ្រើសរើសអ្នករួចហើយ ដូច្នេះសូមព្យាយាមឱ្យអស់ពីសមត្ថភាពដើម្បីឱ្យតម្លៃចំពោះសេចក្ដីស្រឡាញ់នេះ។
កុំបណ្តោយឱ្យស្នេហាមានឱកាសភ្លាត់ចេញពីដៃរបស់អ្នក សម្រាប់រឿងតូចតាចឱ្យសោះ។ ក្រឡេកមើលរបៀបដែលមនុស្សនោះខ្វល់ខ្វាយនឹងមនុស្សជាទីស្រឡាញ់របស់អ្នក ហើយបញ្ជាក់ពីបុគ្គលិកលក្ខណៈរបស់គាត់បានយ៉ាងច្បាស់។
៥. តែងតែបារម្ភពីការងារ ក៏ដូចជាសុខភាពរបស់អ្នក
អ្នកដែលពិតជាស្រឡាញ់ និងយកចិត្តទុកដាក់ចំពោះអ្នក គឺជាមនុស្សម្នាក់ដែលតែងតែព្រួយបារម្ភអំពីអ្នកយ៉ាងខ្លាំង សូម្បីតែអ្នកគ្រាន់តែហៀរសម្បោរ ឬឈឺក្បាលបន្តិចបន្តួចក៏ដោយ។ ជារឿយៗគាត់នឹងជម្រុញឱ្យអ្នកទៅជួបគ្រូពេទ្យ ប្រសិនបើមានបញ្ហាមិនប្រក្រតី ព្រោះគាត់ពិតជាយកចិត្តទុកដាក់ចំពោះអ្នក។
មនុស្សម្នាក់នេះក៏មិនស្ទាក់ស្ទើរក្នុងការមើលថែអ្នកដែរ ព្រោះតែស្រលាញ់អ្នក គាត់មិនដែលមានអារម្មណ៍ហត់នឿយឡើយ ហើយក៏មិនខ្លាចនឹងលះបង់ពេលវេលាក្នុងការមើលថែអ្នកដែរ។ ដូច្នេះអ្នកគួរតែថែរក្សាមនុស្សម្នាក់នេះឱ្យបានល្អ កុំឱ្យបាត់បង់៕
ប្រភព ៖ Emdep / ប្រែសម្រួល ៖ Knongsrok
Recent News
