ជ្រើសរើសផ្កា ដែលអ្នកស្រឡាញ់ក្នុងចំណោមផ្កាទាំង ៤ ដើម្បីស្វែងយល់ពីជីវិតស្នេហារបស់អ្នកនៅថ្ងៃខាងមុខ
ចរិត បុគ្គលិកលក្ខណៈ ឬក្តីស្រឡាញ់របស់មនុស្សម្នាក់គឺមិនដូចគ្នានោះទេ ហើយក៏អាចមានការផ្លាស់ប្តូរបានផងដែរ។ ប៉ុន្តែទោះបីជាបែបនេះក៏ដោយរឿងតូចមួយចំនួនអាចបង្ហាញថាអ្នកជាមនុស្សប្រភេទណា។ យ៉ាងណាមិញ ជម្រើសរបស់អ្នកដែលអ្នកស្រឡាញ់ក៏អាចជួយស្វែងយល់ពីជីវិតស្នេហារបស់អ្នកនៅថ្ងៃខាងមុខបានផងដែរ។ បើចង់ដឹងច្បាស់សូមជ្រើសរើសផ្កាមួយដែលអ្នកស្រឡាញ់ ហើយអាចការបង្ហាញខាងក្រោម។
ក. ផ្កាចំប៉ី
អ្នកគឺជាមនុស្សសកម្មនិងក្លាហានហើយអ្នកចូលចិត្តទទួលបានបទពិសោធន៍ថ្មីៗ។ អ្នកជាប្រភេទមនុស្សដែលចូលចិត្តកីឡា ព្រមទាំងចូលចិត្តភាពឯករាជ្យជាខ្លាំង។ អ្នកជាមនុស្សដែលពោរពេញដោយសមត្ថភាព តែងរឿងជាច្រើនមិនអាចក្លាយជាការពិតបាន ព្រោះតែទម្លាប់លេងសើចរបស់អ្នក ព្រមទាំងការដែលមិនសូវយកចិត្តទុកទៅលើការងារទាំងប៉ុន្មានដែលអ្នកធ្វើផងដែរ។ អ្នកត្រូវព្យាយាមពន្យលើខ្លួនឯងថា អ្នកមានសមត្ថភាពខ្លាំងយ៉ាងណា អ្វីដែលគិតនោះគួរតែធ្វើអោយវាបានក្លាយជាការពិតហើយ។
ខ. ផ្កាកេសរកូល
អ្នកជាមនុស្សដែលស្ងប់ស្ងាត់ អាចនឹងចាស់គំរឹលបន្តិចផងក៏ថាបាន។ ពេលខ្លះមនុស្សភាគច្រើនយល់ថាអ្នកមានឬកពា និង ទម្លាប់ដូចជាមនុស្សអញ្ចឹងដែរ។ អ្នកមិនមែនជាប្រភេទមនុស្សដែលចូលចិត្តអួតសម្ញែងអ្វីដែលខ្លួនមាន ឬ អ្វីដែលអ្នកអាចធ្វើបាននោះទេ ទោះជាយ៉ាងណានៅតែមានមនុស្សជាច្រើនដែលយល់ថាអ្នកសក្តិសមជាអ្នកដឹកនាំបំផុត។ ចំពោះរឿងស្នេហាវិញ អ្នកឆាប់នឹងផុងចិត្តស្រលាញ់អ្នកដទៃបំផុត ហើយក៏ឆាប់នឹងប្រគល់អ្វីៗគ្រប់យ៉ាងអោយទៅគេដោយមិនគិតច្រើននោះទេ។
គ. ផ្កាកុលាប
អ្វីដែលមនុស្សភាគច្រើនកត់សម្គាល់ពីអ្នកគឺ អ្នកជាប្រភេទមនុស្សដែលមានការតាំងចិត្តខ្ពស់ ចេះគ្រប់គ្រងអារម្មណ៏ខ្លួនឯងបានល្អ ព្រមទាំងមានសន្តានចិត្តល្អចំពោះមនុស្សជុំវិញខ្លួន។ អ្នកតែងតែមានការគិតពិចារណាយ៉ាងច្បាស់លាស់ ដែលជាហេតុធ្វើអោយអ្នកតែងតែមានភាពរឹងរូស មិនងាយនឹងស្ដាប់អ្នកដទៃនោះទេ។ ចំពោះរឿងស្នេហា អ្នកជាមនុស្សដែលទាមទារច្រើនបន្តិច គេត្រូវតែជាមនុស្សគួរអោយទុកចិត្តបាន ទោះជាស្រលាញ់យ៉ាងអ្នកគ្មានផ្លូវអោយគេយកចំណេញមកលើអ្នកដាច់ខាត។
ឃ. ផ្កាឈូករ័ត្ន
អ្នកជាប្រភេទមនុស្សដែលប្រាថ្នារស់នៅដោយពេញលេញបំផុត។ អ្នកមិនខ្លាចក្នុងការបង្ហាញអារម្មណ៏ និង ការយល់ឃើញរបស់អ្នកអោយអ្នកដទៃបានដឹងនោះទេ។ ចំពោះរឿងស្នេហា អ្នកជាប្រភេទមនុស្សដែលគោរព និង អោយតម្លៃដៃគូជាខ្លាំង។ ជាទូទៅ អ្នកមិនចូលចិត្តនៅទំនេរយូរនោះទេ នៅពេលដែលប្រចណ្ឌ ឬ ខឹងក៏បង្ហាញចេញមកភ្លាមៗ មិនចេះលាក់ទុកនោះទេ៕
Recent News
