មនុស្សកើតក្នុងឆ្នាំទាំង ៦ គូនេះ មិនគួរចាប់ដៃគ្នាគូឡើយ បើមិនចឹងទេ មានតែបញ្ហា ប្រេះឆា រកាំរកូសគ្នា
យោងតាមការទស្សន៍ទាយហោរាសាស្ត្របានឱ្យដឹងថា អ្នកកើតក្នុងឆ្នាំទាំង៦គូនេះ មិនគួរចាប់ដៃគូគ្នាឡើយ ព្រោះបើចាប់ផ្ដើម គឺមានតែបញ្ហា រកាំរកូស ឈ្លោះប្រកែក បែកបាក់គ្នាតែប៉ុណ្ណោះ។
តាមហោរាសាស្ត្រ ជម្លោះរវាងអ្នកកើតក្នុងឆ្នាំទាំងនេះ មិនត្រឹមតែផ្អែកលើគូក្នុងរង្វង់មូលទេ ថែមទាំងត្រូវគ្រប់គ្រងដោយជោគវាសនាផងដែរ។ ចាស់ពីដើមមានជំនឿថា បើប្ដីប្រពន្ធមានវាសនាពីរផ្ទុយគ្នា ជីវិតនឹងពិបាកចុះសម្រុងនឹងគ្នាណាស់។
១. ឆ្នាំម្សាញ់ និងឆ្នាំកុរ
ឆ្នាំម្សាញ់(ពស់) និងឆ្នាំកុរ(ជ្រូក) ជាឆ្នាំគូដែលស្ថិតក្នុងក្រុមនៃធាតុទាំងបួន។ លើសពីនេះ ឆ្នាំម្សាញ់ជាឆ្នាំធាតុភ្លើង ហើយឆ្នាំកុរគឺធាតុទឹក ដែលវាមានភាពខុសគ្នាដែរ (ទឹកជួបភ្លើង)។ អ្វីដែលមនុស្សម្នាក់ធ្វើសម្រាប់ម្នាក់ទៀត មិនត្រូវបានគេឱ្យតម្លៃឡើយ។ មិនងាយយល់ចិត្តគ្នាទៅវិញទៅមក ជីវិតពិបាកផ្សះផ្សា។
បើគូស្នេហ៍រៀបការហើយអាចពង្រឹងកត្តាសំណាងត្រូវនឹងវ័យនីមួយៗ ដើម្បីដោះស្រាយជម្លោះ។ គួរដាំនៅទិសខាងត្បូង ឬភាគអាគ្នេយ៍ដើម្បីបង្កើនថាមពលដល់អ្នកកើតឆ្នាំម្សាញ់។ ទន្ទឹមនឹងនេះ ការប្រើភ្លើងក្នុងទិសពាយ័ព្យនឹងនាំមកនូវអត្ថប្រយោជន៍ជាច្រើនដល់ឆ្នាំកុរ។
២. ឆ្នាំរោង និងឆ្នាំច
នៅក្នុងហោរាសាស្ត្រឆ្នាំរោង(នាគ) និងឆ្នាំច(ឆ្កែ) គឺជាឆ្នាំដែលប្រឈមមុខដាក់គ្នាដោយផ្ទាល់។ ប្រសិនបើរស់នៅជាមួយគ្នា ឆ្នាំទាំងពីរនេះអាចទទួលបាននូវការអាណិតអាសូរ និងការចែករំលែកក្នុងជីវិត។ បើបញ្ចូលគ្នា នាគនឹងចុះខ្សោយ ហើយឆ្កែក៏ត្រូវឈឺចាប់ដែរ។ អ្នកទាំងពីរគង់តែរបួសរាងៗខ្លួន។
ដើម្បីបន្សាបបញ្ហា អាចប្រើធាតុទឹកដើម្បីគ្រប់គ្រងកម្លាំងរបស់ឆ្នាំនាគ។ ដបទឹកអាចដាក់នៅទិសនិរតី អាគ្នេយ៍ ឬដាក់និមិត្តសញ្ញាទឹកនៅជិតខ្លោងទ្វារ។ ទឹកនឹងលាងជម្រះកំហឹងរបស់នាគ និងភាពសោកសៅរបស់ឆ្កែ ដើម្បីឱ្យអ្នកទាំងពីរបានរួមរស់ជាមួយគ្នាកាន់តែប្រសើរឡើង។
៣. ឆ្នាំថោះ និងឆ្នាំរកា
ក្នុងហោរាសាស្ត្រ ឆ្នាំថោះ(ទន្សាយ) និងឆ្នាំរកា(មាន់) ក៏ងាយមានជម្លោះនឹងគ្នាដែរ។ នៅពេលដែលឆ្នាំទាំងពីរនេះមិនរស់នៅជាមួយគ្នា និងមិនជ្រៀតជ្រែកកិច្ចការផ្ទៃក្នុងរបស់គ្នាទៅវិញទៅមក ពួកគេអាចរាប់អានគ្នាទៅវិញទៅមកបានយ៉ាងល្អ។ ប៉ុន្តែពេលរស់នៅក្នុងផ្ទះតែមួយ អ្នកទាំងពីរងាយនឹងមានជម្លោះនឹងគ្នា ធ្វើឱ្យអ្នកទាំងពីរពិបាកត្រូវរ៉ូវគ្នាណាស់។
ចាស់ៗមានជំនឿថា អាចពឹងលើធាតុទាំង៥ ដើម្បីបន្សាបជម្លោះសត្វចំពោះឆ្នាំពីរនេះបាន។ ពិសេសអ្នកឆ្នាំថោះ គួរពាក់គ្រឿងអលង្ការមាស ប្រើពណ៌បៃតងឱ្យបានច្រើន។ លើសពីនេះឆ្នាំទាំងពីរអាចមានសំណាងល្អប្រសិនបើពួកគេពាក់ត្បូងពេជ្រដូចគ្នា។
អ្នកដែលកើតក្នុងឆ្នាំថោះ គឺត្រូវនឹងទិសបូព៌ា និងទិសអាគ្នេយ៍ ទើបអាចដាក់ទឹក ឬវត្ថុដែលទាក់ទងនឹងទឹកក្នុងទីតាំងនេះបាន។ ឆ្នាំរកាស្ថិតនៅទិសខាងលិច និងពាយ័ព្យ ដូច្នេះថ្ម ៧ អាចដាក់នៅទីនេះ ដើម្បីកាត់បន្ថយជម្លោះរវាងភាគីទាំងពីរ។
៤. ឆ្នាំជូត និងឆ្នាំមមី
ក្នុងហោរាសាស្ត្រ ឆ្នាំជូត(កណ្តុរ) និងឆ្នាំមមី(សេះ) ត្រូវបានចាត់ទុកជាគូផ្ទុយគ្នា។ អ្នកកើតឆ្នាំមមីមានចិត្តឆេវឆាវ ដើមដំបូងអាចទាក់ទាញមនុស្សកើតឆ្នាំជូត ប៉ុន្តែនៅពេលស្នេហារសាយទៅ វាក្លាយជាហេតុនាំឱ្យមានការមិនចុះសម្រុងគ្នា។ តាមហោរាសាស្ត្រ ដើម្បីដោះស្រាយជម្លោះរវាងឆ្នាំទាំងពីរ អាចដាក់កណ្ដឹងខ្យល់ដើម្បីបណ្ដេញគ្រោះគូ។
ការណ៍នេះជួយបង្កើនសំណាងសម្រាប់អ្នកទាំងពីរ និងបន្ធូរបន្ថយជម្លោះផងដែរ។ ជាងនេះទៅទៀត អ្នកដែលកើតក្នុងឆ្នាំជូត អាចបង្កើនលាភសំណាង ដោយស្លៀកសម្លៀកបំពាក់ពណ៌ស ឬពាក់គ្រឿងអលង្ការតាមហុងស៊ុយ និយមចិញ្ចៀនដែលមានរូប សុងហ៊ី។ អ្នកកើតឆ្នាំមមី គួរតែស្លៀកសម្លៀកបំពាក់ពណ៌ក្រហម ឬបៃតង។
៥. ឆ្នាំឆ្លូវ និងឆ្នាំមមែ
ឆ្នាំឆ្លូវ(គោ) និងឆ្នាំមមែ(ពពែ) ជាកម្មសិទ្ធិរបស់ធាតុដី ដូច្នេះនៅពេលបញ្ចូលគ្នា ពួកគេនឹងបង្កើតថាមពលផែនដីច្រើនពេក ដែលបណ្តាលឱ្យមានផលប៉ះពាល់ធ្ងន់ធ្ងរ។ គូស្នេហ៍នេះតែងជួបជម្លោះតូចតាចជាច្រើនក្នុងជីវិត។ និស្ស័យភាគីទាំងពីរក៏មិនដូចគ្នាដែរ។ ឆ្នាំឆ្លូវគឺជាមនុស្សស្មោះត្រង់ រស់នៅតាមការពិត ដូច្នេះគាត់មិនចូលចិត្តខ្ជះខ្ជាយពេលវេលា និងកិច្ចការស្នេហាទេ។
ទន្ទឹមនឹងនេះ ឆ្នាំមមែ រស់នៅក្នុងការពេញចិត្តនៃអារម្មណ៍ មានការស្រមើស្រមៃច្រើន។ ពួកគេមានបញ្ហាដូចគ្នា ប៉ុន្តែពួកគេមានទស្សនៈខុសគ្នា ហើយមិនងាយយល់ស្របគ្នាឡើយ។ ដើម្បីចុះសម្រុងគ្នា និងកាត់បន្ថយអាំងតង់ស៊ីតេនៃថាមពលផែនដី រវាងឆ្នាំទាំងពីរនេះ អ្នកអាចព្យួរកណ្ដឹងដែកនៅក្នុងផ្ទះ ជាពិសេសកន្លែងដែលឆ្នាំទាំងពីរតែងតែទាក់ទងគ្នា។
៦. ឆ្នាំខាល និងឆ្នាំវក
អ្នកកើត្នឆ្នាំ វក ជាមនុស្សឆ្លាត វាងវៃ រហ័សរហួន ច្រើនតែដើរតួយ៉ាងសំខាន់ក្នុងទំនាក់ទំនង។ ទោះជាយ៉ាងណាក៏ដោយ អ្នកកើតឆ្នាំខាលជាមនុស្សមានចិត្តក្តៅ កាច និងពិបាកក្នុងការផ្សះផ្សាជាមួយនឹងភាពវៃឆ្លាត និងភាពប៉ិនប្រសប់របស់អ្នកកើតឆ្នាំវកណាស់។
ដើម្បីកាត់បន្ថយភាពមិនស៊ីសង្វាក់គ្នានៃគូស្វាមីភរិយានេះ ពន្លឺភ្លើងអាចត្រូវបានដាក់នៅទិសឦសាន - ទិសខ្លា និងទិសនិរតី - ទិសនៃរាងកាយ។ ការណ៍នេះនឹងជួយសម្រាលបញ្ហា និងបង្កឱ្យមានភាពសុខដុមរមនារវាងសត្វទាំងពីរ៕
ប្រែសម្រួលដោយ ៖ Knongsrok
Recent News
