គួរឱ្យអស់សំណើច! កាសែតថៃមួយបានចុះផ្សាយថា ថៃចាញ់ ព្រោះខ្មែរមានអ្នកគាំទ្រ មកស្រែកហ៊ោច្រើនពេក
គួរឱ្យអស់សំណើច បន្ទាប់ពីការប្រកួតកីឡាបាល់ទះផ្នែកបុរស ដែលត្រូវបានបញ្ចប់ក្នុងលទ្ធផល ភាគីខ្មែរ យកឈ្នះលើ ភាគីថៃ ៣ សិត ទល់នឹង ២ សិត ដែលអាចឡើងទៅដល់វគ្គដណ្ដើមមេដាយមាស ស្រាប់តែសារព័ត៌មានមួយរបស់ថៃបានចេញផ្សាយថា " ខាងផេកគេហទំព័រសហព័ន្ធកីទ្បាបាល់ទះថៃ មានអ្នកគាំទ្រគេបានផុសថា មកពីអ្នកគាំទ្រកម្ពុជាចូលរួមគាំទ្រច្រើន និងស្រែកហ៊ោខ្លាំងៗពេក ធ្វើឲ្យកីទ្បាករថៃ ស្លុតស្មារតីទើបចាញ់បែបនេះ " នេះជាការបកប្រែពីគេហទំព័ររបស់ Doctor SEM Ratana បានធ្វើការបកស្រាយនៅក្នុងខំមិនជាមួយនឹងអ្នកគាំទ្រកម្ពុជា។
យ៉ាងណាមិញ ការប្រកួតកីឡាបាល់ទះផ្នែកបុរសកាលពីយប់មិញនេះ កម្ពុជា ប៉ះជាមួយនឹង ថៃ គឺពិតជាជក់ចិត្តដិតអារម្មណ៍ខ្លាំងពិតមែន ដែលធ្វើឱ្យបុកពោះមិនស្ទើរ ក្នុងខណៈនាទីដំបូង ថៃ បានយកឈ្នះ ២ សិត ដំបូង តែចុងក្រោយ កម្ពុជា ក៏អាចហក់ឡើងភ្លាមៗ ជាមួយនឹងលទ្ធផលនឹកស្មានមិនដល់។
ជាមួយគ្នានេះដែរ អ្វីដែលគួរឱ្យចាប់អារម្មណ៍ខ្លាំងបំផុតនោះគឺ នៅក្នុងពហុកីឡាដ្ឋាននោះ ក៏មានវត្តមានរបស់កំពូលតារារ៉េប លោក វណ្ណដា ក៏បានចូលរួមទស្សនា និងគាំទ្រផ្ទាល់ផងដែរ។
នេះសបញ្ជាក់ឱ្យឃើញពីឆន្ទៈកូនខ្មែរ ស្នេហា និងគាំទ្រវិស័យកីឡាយ៉ាងច្រើនកុះករ ក៏ជាផ្នែកមួយជម្រុញដល់ទឹកចិត្តកីឡាករ និងអត្តពលិកគ្រប់ផ្នែក កាន់តែខិតខំ ប្រឹងប្រែងធ្វើដង ដើម្បីយកជ័យជម្នះ និងមេដាយ បង្ហាញពីមុខមាត់ជូនជាតិកម្ពុជា៕
Recent News
