ទៅមិនបានឆ្ងាយ ធ្វើអ្វីក៏មិនជោគជ័យដែរ បើអ្នកនៅតែប្រកាន់ខ្ជាប់ទម្លាប់ទាំង ៥ នេះ

មនុស្សម្នាក់អាចជោគជ័យ និងខ្ពស់ខ្ពស់ អាស្រ័យលើកត្តាជាច្រើន ដែលភាគច្រើនចែកចេញជាពីរប្រភេទគឺ កត្តាខាងក្នុង និងកត្តាខាងក្រៅ។

១. ទម្លាប់នៃការពន្យារពេល និងការលត់ដំខ្លួនមិនល្អ

មិនថាផែនការល្អឥតខ្ចោះយ៉ាងណានោះទេ ប្រសិនបើវាត្រូវបានពន្យារពេល និងមិនចាប់ផ្ដើមអនុវត្ត នោះផែនការនោះគ្រាន់តែជាផែនការដែលគ្មានប្រយោជន៍តែប៉ុណ្ណោះ។ ហេតុផលដ៏គ្រោះថ្នាក់បំផុត ដែលមនុស្សតែងតែបរាជ័យក្នុងជីវិត គឺដោយសារតែពួកគេមានទម្លាប់ពន្យារពេលក្នុងការងារ និងគ្មានច្បាប់វិន័យចំពោះខ្លួនឯង។

ប្រសិនបើអ្នកតែងតែពន្យារពេល នោះអ្នកនឹងមិនអាចអភិវឌ្ឍនាពេលអនាគតបានទេ។ ដូច្នេះ​អ្វី​ដែល​គួរ​ធ្វើ​តែ​មិន​បាន​ធ្វើ គឺ​ជា​ហេតុ​ធ្វើ​ឱ្យ​ជីវិត​អ្នក​ទាំង​មូល​មិន​បាន​ផល​អ្វី​ឡើយ។

6c6d84506ffbe8af6d42860acba3b12a

២. ធ្វើ​អ្វី​ក៏​សប្បាយ​តែ​ដំបូង​ ខ្វះ​ការ​យក​ចិត្ត​ទុក​ដាក់

មូលហេតុទី២ បុគ្គលមិនអាចក្លាយជាអ្នកមានបាន ដោយហេតុថា ធ្វើអ្វីក៏ចាប់អារម្មណ៍តែពីដើម គ្មានចិត្តអំណត់ គ្មានការខិតខំ មិនចេះតស៊ូ។ មានមនុស្សច្រើនណាស់ដែលមានបុគ្គលិកលក្ខណៈបែបនេះ ពេលធ្វើការសម្រេចចិត្តណាមួយ គឺសប្បាយអរ រំភើបខ្លាំង ប៉ុន្តែក្រោយមកងាយនឹងបោះបង់ចោល។

នៅក្នុងជីវិតនេះ អ្វីៗត្រូវតែមានដំណើរការរបស់វា បើអ្នកចង់បានលទ្ធផលល្អ អ្នកត្រូវតែជម្នះឧបសគ្គលំបាកៗនៅខាងមុខ។

៣. មិនចង់រៀន និងរីកចម្រើន

ហេតុផលទីបីដែលមនុស្សមិនជោគជ័យ គឺមកពីពួកគេមិនបានរៀន និងកែលម្អខ្លួនឯង។ បើ​អ្នក​មិន​អភិវឌ្ឍ អ្នក​នឹង​មិន​មាន​ឱកាស​ឡើង​ឋានៈ ឬ​ដំឡើង​ប្រាក់​ខែ​ទេ។ ពេល​វិបត្តិ​មក​ដល់ ងាយ​ក្លាយ​ជា​ជន​រង​គ្រោះ ដោយ​គ្មាន​ផ្លូវ​ទប់​ទល់​ឡើយ។ ម៉្យាងវិញទៀត មនុស្សដែលតែងតែកែលម្អខ្លួនឯង និងរីកចម្រើនក្នុងបរិយាកាសការងារ ជារឿយៗអាចទៅឆ្ងាយ ឈានទៅដល់ខ្ពស់ ទទួលបានភាពជោគជ័យកាន់តែច្រើន។



7590d3b6c7b5fd20daca1b2e90233ed6

៤. តែងតែគេចវេស រកលេសដោះសារ

មូលហេតុ​ដែល​មនុស្ស​តែង​តែ​មាន​បញ្ហា ​គឺ​ពួកគេ​តែងតែ​បង្ហាញ​ភាព​ត្រឹម​ត្រូវ​ជាជាង​ទទួល​ស្គាល់​កំហុស​របស់​ខ្លួន។ ការ​ឃើញ​មនុស្ស​ជោគជ័យ​ជាង​អ្នក ​គឺ​ចាត់​ទុក​ពួកគេ​សំណាង។

នៅកន្លែងធ្វើការ ពេលមានបញ្ហា តើអ្នកមានទម្លាប់ចៀសវាងការស្តីបន្ទោស រកលេសគ្រប់បែបយ៉ាងសម្រាប់ខ្លួនឯង ជំនួសឱ្យការប្រឈមមុខនឹងបញ្ហាដោយក្លាហាន? បើបែបនេះពិតមែន ត្រូវដឹង និងកែតម្រូវជាបន្ទាន់ ព្រោះបើមិនដូច្នេះទេ អ្នកនឹងងងឹតងងុល ចិត្តចង្អៀត រឹងរូស ពិបាកអភិវឌ្ឍណាស់។

ប៉ុន្តែ​មនុស្ស​ដែល​មាន​ទេពកោសល្យ ពួកគេ​ពិត​ជា​នឹង​មិន​បង្ហាញ​ពី​ហេតុផល​ចំពោះ​ខ្លួន​ពួកគេ​ទេ ប៉ុន្តែ​មាន​ឆន្ទៈ​ក្នុង​ការ​ឆ្លុះ​បញ្ចាំង​ដើម្បី​កែ​ខ្លួនឡើងវិញ។

៥. ពូកែអន់ចិត្ត និងគ្មានទំនុកចិត្តចំពោះខ្លួនឯង

មូលហេតុដែលមនុស្សម្នាក់នៅបាតសង្គម គឺគេមិនជឿលើខ្លួនឯង ពួកគេតែងតែគិតថាជីវិតរបស់ពួកគេនឹងទៅជាបែបនេះជារៀងរហូត។ មានរឿងជាច្រើនមិនមែនមកពីអ្នកធ្វើមិនបានទេ ប៉ុន្តែដោយសារតែអ្នកមិនបានជ្រើសរើសចាប់ផ្តើមធ្វើវា អ្នកមិនបានជម្រុញខ្លួនឯង និងផ្តល់ឱកាសឱ្យខ្លួនឯង។

លុះត្រាតែអ្នកមិនមានការគោរពខ្លួនឯងទាប កុំបោះបង់ខ្លួនឯង ប្រឹងប្រែង និងហ៊ានធ្វើសកម្មភាព អ្នកប្រាកដជាមានជីវិតប្រសើរជាងបច្ចុប្បន្ន៕

ប្រភព ៖ Phunutoday / Knongsrok