ក្នុងនាមជាមេគ្រួសារ ជាបង្គោលគ្រួសារ អ្នកគួរតែដឹងថា អ្នកមានតួនាទីអ្វីខ្លះ ហើយត្រូវរ៉ាប់រង ទទួលបន្ទុកអ្វីខ្លះ មិនមែនអ្វីៗ ឱ្យប្រពន្ធរ៉ារប់រងលំបាកតែឯងទេ

ក្នុងនាមជាមេគ្រួសារ ជាបង្គោលគ្រួសារ វាមិនមែនជារឿងងាយឡើយ ខ្ញុំធ្លាប់ឮពាក្យគេនិយាយថា កើតមកជាមនុស្សប្រុសសំណាង ស្រួលគ្រប់យ៉ាង ៖

- ត្រឹមតែរៀនបានច្រើន គេហៅអ្នកចេះដឹងហើយ។

- មានចំណេះ មានសមត្ថភាព អាចរកលុយឱ្យបានច្រើន គេហៅថា មនុស្សប្រុសអស្ចារ្យ ពូកែ ខ្លាំងក្លាហើយ។

- អាចរកប្រពន្ធបានស្អាត ឬកូនអ្នកមាន គេហៅថា ប្រុសសង្ហា មានមន្តស្នេហ៍ហើយ។

- បានប្រពន្ធល្អ ក៏ព្រោះបុណ្យសក្តិហើយ ចាំបាច់ធ្វើអីទៀត គិតតែពីរកលុយ ការងារផ្ទះសម្បែង កូនចៅ ប្រពន្ធអ្នកមើលហើយ។

92143655_2911985735560731_1634369029042864128_o

តែការពិត វាមិនមែនបែបហ្នឹងដូចពាក្យគេថាទេ តែព្រោះតែគេជាប្រុសសំណាង ខ្ញុំអត់សំណាង វាក៏មិនមែនដែរ ...

ខ្ញុំស្គាល់រសជាតិរៀបការ មិនមែនមួយថ្ងៃហ្នឹងក៏ចប់ទេ មុនពេលរៀបការ គិតខ្វល់គ្រប់យ៉ាង ខ្លាចនេះ ខ្លាចនោះ គិតជំនួសអ្នកមានគុណ ព្រោះមិនចង់ បន្ថែមបន្ទុកធ្ងន់ដល់គាត់ឡើយ រៀបការហើយ ត្រូវធ្វើយ៉ាងណា ឱ្យប្រពន្ធមានអារម្មណ៍ថា កក់ក្ដៅ មិនខ្វះខាត មិនពិបាក ព្រោះមិនចង់ឃើញនាងវេទនា បន្ទាប់ពីរៀបការជាមួយខ្ញុំនោះទេ ពេលមានកូន ត្រូវមើលកូនជំនួសនាង ព្រោះនាង មិនអាចមើលតែម្នាក់ឯងឡើយ ស្គាល់ហើយ ដាច់យប់មើលកូន លួងកូន កូនយំ កូនឈឺ ពេលហ្នឹង ខ្ញុំដឹងច្បាស់ ពីអារម្មណ៍មនុស្សស្រី មិនមែនអ្វីៗវាស្រួលនោះទេ ។



ជាបង្គោលគ្រួសារ ខ្ញុំត្រូវរ៉ាប់រងរាល់បន្ទុកទាំងឡាយ សុខចិត្តអត់ខ្លួនឯង ដើម្បីឱ្យអ្នកផ្ទះបានហូបចុកគ្រប់គ្រាន់ លះបង់មិនថាសម្រាប់ ឪពុកម្ដាយ ប្រពន្ធកូន បងប្អូននោះឡើយ។

ជីវិតជាកូនប្រុស ប្រហែលស្រួល តែចំពោះមនុស្សមិនខ្វល់ពីអារម្មណ៍មនុស្សស្រី មិនខ្វល់ពីតម្លៃនៃគ្រួសារតែប៉ុណ្ណោះ

ខ្ញុំចង់ឱ្យបុរសទាំងឡាយ សាកល្បង រងរ៉ាប់រាល់ការងារទាំងអស់ជំនួសប្រពន្ធ ទើបអ្នកដឹងថា វាធ្ងន់ប៉ុនណា សម្រាប់អម្រែកមួយហ្នឹង អ្នកនឹងដឹងថា ប្រពន្ធគួរឱ្យអាណិត ហេតុអ្វីនាងស៊ូទ្រាំខ្លាំងម៉្លេះ៕

92828132_2911985905560714_8303281645666959360_o

អត្ថបទ ៖ ភី អេក

ក្នុងស្រុករក្សាសិទ្ធ